إلیوم جايبلكم هدية لكل أصدقائي وضيوف موقعي وهي طريقة تعريب البومبس من الفون عشان كل واحد يقدر يعمل بومبس بإسمه بس في 3 ملحوظات مهمين جدا أول ملحوظة الشرح دا خاص بأجهزة الجيل الثالث يعني فونك لازم يكون جيل ثالث ذي
N95 , N73 , 6120c
اللي هي برامجها بتبقي بصيغة
sisx تاني ملحوظة لما تيجي تحمل البومبس اللي حتعربه تحمله من متصفح
uc browser
عشان ينزل في مدير الملفات بدون ما يتثبب لو م عندك المتصفح دا حمله من هنا
لو ظبطت الملحوظات اللي فوق يبقي كدا تمام ويلا كدا نبدأ بسم الله أول حاجة في برنامج اسمه مشغل البايثون دا بيساعد برامج التعريب أنها تشتغل حمله من هنا وثبته علي الكارت
بعد ما تحمله وتثبته نبدأ كدا نحمل برامج التعريب وهما تلاتة أول برنامج هوا عملاق الترجمة زنتكس حمل من هناZntxhan.sisx
تاني برنامج وهوا برنامج فك الملفات وتعديل شهادة البرنامج العملاق إكسبلور حمل من هناx-plore.sisx
ثالث برنامج وهوا برنامج تجميع الملفات العملاق زاب مانجر حمل من هناZip_Manager.sis
بعد ما ثبتنا كل البرامج وتمام حنستخدم متصفح يو سي ودا متصفح نت ذي الأوبرا ميني بس أفضل منه في التحميل حنخش علي أي موقع ونحمل البومبس اللي حنعربه وبعدين حنلقه نزل في مدير الملفات التعريب 3 مراحل أو حاجه فك البرنامج ثاني حاجه تعريب ملفاته ثالث حاجه تجميع البرنامج حنبدأ بأول مرحلة اللي هيا فك البرنامج حنخش مدير الملفات ونعمل حافظة جديدة ونسميها مثلا
3azf bom
ذي ماهو واضح في الصورة كدا
بعدها نفتح برنامج إكسبلور ونخش علي المكان اللي نزل فيه البومبس ذي كدا
بعدها ندوس علي البرنامج أوك في النص فحيجبلنا كل ملفاته الداخلية وإحنا ندوس خيارات وتحديد الكل عشان نستخرجها للحافظة اللي عملناها ذي الصورة دي
بعد كدا ندوس خيارات ثم ملف وبعدها نختار إستخراج إلي
بعد كدا حنتحرك عشان نوصل الحافظة اللي صنعناها عشان نفك فيها ملفات البومبس اللي إسمها
3azf bom
بس ركز هنا لما حنتحرك حنستحدم زراير الإتجاهات اليمين عشان ننزل تحت والشمال عشان نطلع فوق وأول ما نوصل الحافظة ندوس عليها أوك في النص فالبومبس حيبدأ يتفك ذي كدا
أول ما يخلص حتجي الصورة دي كدا معناها تمام البرنامج إتفك حندوس رجوع ونخرج من برنامج إكسبلور خالص
بعدها نخش في المرحلة التانية اللي هيا مرحلة التعريب حنفتح برنامج زنتكس وندوس خيارات ثم إبدأ الترجمة وبعدها ترجمة نص
بعدها حنتحرك عشان نوصل للحافظة اللي فكينا فيها ملفات البومبس واللي اسمها
3azf bom
بعد ما وصلنا لمحافظة دي حندوس أوك عليها عشان نخشها ونشوف ملفات البومبس الموجودة جواها ذي كدا
وذي ماحنا شايفين الحافظة جواها فولدرات ذي
Images , Lang , Skins
وكمان جواها كلاسات ذي
a.class , ab.class
والحاجات اللي حنعربها موجودة جوا الكلاسات دي وطبعا الكلاسات دي كتيرة وعددها كبير وعشان تخشها وتدور علي الحاجات اللي حتتعرب جواها مش حتاخد أقل من 3 ساعات وأنا اختصارا للوقت ومن باب خبرتي بالتعريب حقولك ملحوظة وهيا أن 95 % من الحاجات اللي حتتعرب موجودة جوا كلاس واحد من دول والباقي 5 % متوزعة في كام كلاس تانين معني كدا أن أنت لو لقيت الكلاس دا ودخلته وعربت اللي جواه حتبقي تقريبا خلصت 95 % من البومبس وفاضلك حبة صغيره حتدور عليهم طيب كيف ألاقي الكلاس دا ؟ عشان مأخد وقت في التعريب أنا أقولك أول ما تفتح برنامج زنتكس دوس خيارات ثم أبدأ الترجمة وبعدها فتح كلاس ذي كدا
خيفتحلك مربع للكتابة أكتب فيه
Admins
ودوس موافق ذي كدا
بعد ما ندوس موافق نركز هنا شديد حنتحرك بالأتجاهات اليمين عشان نطلع فوق والشمال عشان ننزل تحت ذي برنامج إكسبلور بالظبط لحد ما نيجي علي الحافظة اللي جواها ملفات البومبس واللي إحنا مسمينها
3azf bom
ندوس أوك حنلقي البرنامج بيقولك جاري البحث وبعد كم ثانية حيجبلك اسم كلاس أهو دا الكلاس اللي إحنا عاوزين نوصله واللي جواه 95 % من بيانات البومبس أول ما يجبلنا الكلاس دا حندوس أوك عليه فالبرنامج حيخش جوا الكلاس ذي الصورة دي
طبعا الكلاس جواه كلام كتير بس إحنا حنعرب اللي احنا عارفينه أو اللي ليه معني ويفضل أنك تبقي فاتح أي إيميل علي البومبس وجنبه فاتح برنامج التعريب زنتكس عشان تعرف إيه اللي محتاج يتعرب مثلا ذي
(default)
ودي معناها (الإفتراضي) عشان أعربها حاجي عليها وأدوس أوك حيفتحلي صفحة التعديل بالشكل دا
تمشي أنت طبعا ماسح الكلام الإنجليزي دا وتكتب مكانه الكلام العربي أو الترجمة بتاعة الكلمة اللي هيا (الإفتراضي) بس كدا وندوس موافق
بس وحنفضل نعرب في الكلمات دي نمسح الأنجليزي ونكتب العربي ولما نخلص تعريب الكلمات اللي جوا الكلاس حندوس علي رقم 7 وبعدها نختار حفظ
بس حندوس رجوع ونخرج من الكلاس كدا طبعا عربنا 95 % من ملفات البومبس وباقي حاجات لسه متعربت موجودة في كلاسات تانية أنا حشرح في الآخر كيف تلاقيها في الآخر بس هسه كل كلاس بنعدله بعد ما بنعمل حفظ بتظهر حاجه اسمها كلاس باك ذي
kp.class_.bak
دي لازم تتحذف بعد ما تخلص تعريب لازم تحذف ملفات الباك دي
بعد ما تحذف ملفات الباك دي سواء حتحذفها من مدير الملفات أو من الزنتكس نفسه تعالو أعلمكم كيف تغيروا في نظام البرنامج ذي صورة أيقونة البرنامج وصورة الإسبلاش والزخرفة بالنسبه لصورة أيقونة البرنامج اللي هيا أول ما تثبت برنامج وتخش علي قائمة البرامج بتشوفها دي عشان نغيرها بنخش من مدير الملفات علي الحافظة اللي فيها ملفات البومبس واللي احنا مسمينها
3azf bom
حتلقي أيقونة البرنامج اسمها
_icon.png
عشان نغيرها حتشوف حجمها قدر شنو وبعد كدا حتحذفها وتجيب أي صورة من عندك ليها نفس الحجم أو قريب منه بس بشرط تسميها نفس الأسم
_icon.png
وتحطها في نفس المكان أما صورة الإسبلاش ودي الصورة اللي بنشوفها بعد ما بنفتح البومبس بتظهر كخلفية كدا دي بقي تلاقيها جوا الحافظة برضو
3azf bom
حتخش حتلقي فولدر إسمه
images
حتخش جواه حتلقاها إسمها
splash.png
برضو نفس فكرة صورة الأيقونة حنشوف حجمها ونحذفها ونجيب أي صورة إحنا عاوزينها بس يكون حجمها نفس حجم اللي حذفناها أو حجم قريب منه بس ونسميها
splash.png
وبرضو نحطها في نفس المكان بالنسبة لي كيف تعمل بومبس فيه إبتسامات النمبز الإفتراضية سهل جدأ حتخش الحافظة
3azf bom
حتلقي فولدر إسمه
images
جواه حاجتين إسمهم
smiles.png
smiles.txt بس حنحذفهم ونحط دول مكانهم حمل من هناsmiles.png smiles.txt
بالنسبة لو عاوز بومبسك يزخرف زخرفة جميلة للحروف العربية والإنجليزية والأرقام حتخش الحافظة
3azf bom
حتلقي ملف في الآخر خالص إسمه
translit.txt
نجي لخطوة تعديل شهادة البرنامج أو بياناته عشان تخليه بإسمك حنفتح برنامج إكسبلور ونخش الحافظة اللي فيها ملفات البرنامج
3azf bom
حنخش حنلقي فولدر إسمه
META-INF
حنخش حنلقي ملف إسمه
MANIFEST.MF
حنجي عليه وندوس قائمة ثم ملف وبعدها نختار تحرير ذي كدا
حيفتحلك صفحة تعديل شهادة البرنامج عندنا حاجتين حنعدلهم حاجة إسمها
MIDlet-1
ودي هيا إسم البرنامج اللي بيظهر تحت الأيقونة لما تثبت البرنامج وتخش قايمة البرامج تشوفه حنمسح الكلام المكتوب المظلل دا ونسميه مثلا
3D 3azf
وحاجة تانية إسمها
MIDlet-Name
ودي وصف البرنامج اللي بيظهر عند التثبيت حنمسح الكلام المظلل دا ونكتب مثلا
...Bo_0mbuS By 3azf..
ذي الصورة دي كدا
بس وبعد ما عدلنا شهادة البرنامج وتمام كدا حندوس علي قائمة وبعدها نختار حفظ
بس وحندوس رجوع ونخرج من برنامج إكسبلور وبكدا نكون عربنا البومبس وعدلنا في نظامه من زخرفة والإبتسامات وصور البرنامج وبكدا ندخل في آخر مرحلة وهيا مرحلة التجميع يعني خنجمع ملفات البومبس ونعملهم برنامج حنفتح برنامج
Zip Manager
حندوس خيارات ونختار أرشيف جديد
بس وحنسميه ذي ما نحب بس يكون آخر الأسم زاب مثلا
3azf bom.zip
حندوس خيارات ونختار أرشيف جديد
خنتحرك لحد ما نوصل للحافظة اللي جواها ملفات البومبس ونخشها
3azf bom
فحيجبلنا كل الملفات بالشكل دا
حندوس خيارات ثم وضع علامة وبعدها نختار تعليم الكل
بعدها حندوس خيارات ونختار إضافة للأرشيف
بس كدا وحنسيبو لحد ما يخلص وبعد ما يخلص حندوس رجوع ونخرج من برنامج
Zip Manager
ونخش علي مدير الملفات حنلقي ملف بإسم
3azf bom.zip
أنت طبعا حتعمله إعادة تسمية وبدل ماهو
3azf bom.zip
أنت حتخليه
3azf bom.jar
وبكدا يكون برنامجنا جاهز للتثبيت
طبعا أنا مش ناسي أن إحنا اتفقنا من الأول أن إحنا كدا عربنا 95 % من البومبس ولسه باقي حاجات متعربت طيب نلاقيها كيف ركز معايا إحنا هنثبت برنامجنا عادي اللي جمعناهو دا وحنفتح أي إيميل عليه حنلقي أن أغلبه بقي عربي بس لسه في حاجات إنجليزي تروح تفتح جنب البومبس برنامج زنتكس وتدوس خيارات ثم إبدأ ترجمة وبعدها فتح كلاس
بعد كدا حتكتب الكلمة الإنجليزي وحتدوس موافق وحتتحرك لحد الحافظة اللي فيها الملفات
3azf bom
والبرنامج حيبحثلك الكلمة دي في أي كلاس وأنت تخش تعدلها
بس وبعد ما تعدل تدوس رقم 7 وتختار حفظ وتفضل تكرر نفس الخطوة لحد ما تعرب الكلام الإنجليزي اللي لسه متعرب وبعدين تخش من مدير الملفات وتحذف ملفات الكلاس باك الجديدة اللي ظهرت
بس كدا وحنرجع نكرر خطوات مرحلة التجميع عشان يبقي عندنا برنامج جاهز ونثبته بس المره دي حتلقه معرب 100 % يارب الشرح يكون عجبكم ومبسط أنا بصراحة كنت كسلان أعمل الشرح دا عشان طويل جدا وحياخد وقت بس أنا عملته إهداء لكل أصحابي وضيوف موقعي عشان م حد يزعل وفي النهاية مش مستني منكم أكتر من دعوة حلوة ليا ربنا يوفقني أنا تعبت في الشرح دا جدا ويكفيني شرف آنه من مجهودي الشخصي بس حسبي الله و نعم الوكيل في أي حد ينسخ الشرح دا بدون ذكر إسمي وعموما أنا سايب بصماتي في كل حتة علي الصور ومظبط نفسي :D اللي عاوز يستفسر عن أي حاجة يضيفني علي الإيميل دا
()-!,,3azf,,ala7,z,aaan,,!-() *~*~*~*~*~*~*~* ♥3.a•z.Zf•A.L•7.z.an♥
